Ár bPróiseas

Mar aon leis na haistritheoirí den chéad scoth atá againn, bainimid úsáid as an teicneolaíocht is nuaí agus cloímid le dianphróiseas dearbhaithe cáilíochta chun ardchaighdeán ár gcuid oibre a chinntiú.

Cinntímid, tríd an gcóras cuimsitheach bainistíochta tionscadal atá i bhfeidhm againn, go soláthrófar an t-aistriúchán faoin spriocdháta comhaontaithe i ngach cás.

Tá mórbhunachar sonraí aistriúcháin agus téarmaíochta i bhfeidhm againn, rud a bhíonn á fhorbairt i gcónaí. Ar an mbealach sin, cumasaítear dúinn doiciméid a aistriú go tapa agus go héifeachtúil. Cumasaítear dúinn comhsheasmhacht ó thaobh téarmaíochta agus stíle de a chinntiú freisin.

Tá ár n-aistritheoirí nasctha lena chéile ar ár gcóras cuimhne aistriúcháin agus oibríonn siad i ndlúthchomhar le linn ár bpróisis dhícheallaigh dearbhaithe cáilíochta.

Bímid ar thóir na foirfeachta inár gcuid oibre agus leanaimid próiseas deich gcéim do gach jab aistriúcháin:

1. Tionscadal tiomnaithe agus cuimhne aistriúcháin shonrach a bhunú don chliant, agus aon chorpais agus aon bhunachair shonraí a bhaineann leis an gcliant á gcur leis an tionscadal

2. An doiciméad a iompórtáil isteach inár mbogearraí cuimhne aistriúcháin

3. An doiciméad a shannadh d’aistritheoir agus tús a chur leis an bpróiseas aistriúcháin

4. An t-aistriúchán a chríochnú agus an doiciméad a athbhreithniú

5. An doiciméad aistrithe a rith trí bhogearraí seiceála litrithe agus gramadaí chun a chinntiú go réiteofar aon earráidí atá ann

6. An tionscadal a shannadh do phrofléitheoir agus tús a chur leis an bpróiseas athbhreithnithe

7. Aon athruithe a chomhaontófar idir an profléitheoir agus an t-aistritheoir a dhéanamh

8. An doiciméad deiridh a chomhaontú, an doiciméad ar fad a rith trí na bogearraí seiceála litrithe agus gramadaí an athuair, agus an doiciméad a sheiceáil in aghaidh an phróisis dearbhaithe cáilíochta atá insuite inár mbogearraí aistriúcháin

9. An t-aistriúchán comhaontaithe a easpórtáil amach as ár mbogearraí aistriúcháin agus a chinntiú gurb ionann leagan amach an doiciméid fhoinsigh agus leagan amach an doiciméid aistrithe

10. An t-aistriúchán a sheoladh chuig an gcliant